BMT baş katibinin humanitar yardım məsələləri üzrə müavini deyib: Suriyada 12 milyondan çox insan humanitar və məişət yardımlarına ehtiyaclıdır.

Səhər Beynəlxalq Televiziyasının Fransa İnformasiya Agentliynə istinadla verdiyi məlumata görə, 2015-ci ildə 1 milyondan çox didərginin olduğunu bildirən Stiven Obrayn əlavə edib: Suriya böhranı başlandıqdan indiyə qədər ümumilikdə bu ölkədə 7 milyon 600 min nəfər didərgin düşüb.
Qonşu ölkələrdə qeydə alınan suriyalı qaçqınların 4 milyondan çox olduğunu deyən Obrayn bildirib: Beynəlxalq ictimaiyyət bu qaçqınlara sığınacaq vermək məsuliyyətini üzərinə götürən qonşu ölkələri dəstəkləməlidir.