SAHAR

İraqın təhlükəsizlik və xalq qüvvələri bu ölkənin qərbindəki bəzi məntəqələri terrorçuların işğalından çıxarıblar.

Rusiya Alyoum xəbər agentliyinin məlumatına görə, İraqın təhlükəsizlik mənbələri İŞİD-çi terrorçuların Ərrəmadidə tam şəkildə mühasirəyə düşdüklərini deyərək, bildiriblər ki, bu şəhərin dörd istiqamətdən azad edilməsi əməliyyatının başlanması ilə İraq xalqı yaxın gələcəkdə Ərrəmadinin azad edilməsinin şahidi olacaq.
Belə bir halda, Ərrəmadinin qərbindəki Əlxalidiyyə məntəqəsinin təhlükəsizlik komitəsinin sədri İbrahim Əlfəhdavi İraqın təhlükəsizlik və xalq qüvvələrinin bu məntəqədə İŞİD terrorçuları ilə döyüşlərinə işarə edərək, deyib ki, bu döyüşlərdə terrorçu ünsürlərin 35 nəfərindən çoxu öldürülübdür.
Əlfəhdavi İraqın hava qüvvələrinin İŞİD-in Ərrəmadidəki toplanış mərkəzlərinə qarşı əməliyyatlarına işarə edərək, bildirib ki, İraqın təhlükəsizlik və xalq qüvvələri bu şəhərin cənub məntəqələrində irəliləyərək, Ərrəmadinin mərkəzinə doğru hərəkət etməkdədirlər.