SAHAR

Qəzzə zolağının şimalında sionist rejimin bir pilotsuz təyyarəsi vurulub.

Səhər Beynəlxalq Televiziyasının Fələstin informasiya portalına istinadla verdiyi məlumata görə, şahidlər və yerli mənbələr bildiriblər ki, Fələstin İslami Müqavimət Hərəkatı Həmasın hərbi qolu olan şəhid İzəddin Qəssam batalyonları Qəzzənin şimalında Beyt Lahya məntəqəsində sionist rejimin kəşfiyyat təyyarəsinin vurulması ardınca onu ələ keçiriblər.
Şəhid İzəddin Qəssam batalyonları indiyə qədər dəfələrlə Qüdsü işğal etmiş rejimin bu növ pilotsuz təyyarələrini ələ keçirdiyini və işğal olunmuş ərazilərin səmasında onları havaya qaldırdığını bildirmişdir.
Şəhid İzəddin Qəssam batalyonları bir neçə ay öncə sionist rejimin bir pilotsuz təyyarəsini ələ keçirmiş və onun üzərində bir sıra dəyişikliklər aparmış və öz məqsədləri üçün ondan istifadə etmişdir.