Məkkədə ən azı 400 nəfər, o cümlədən bir neçə iranlı həlak olub
Sen 24, 2015 16:42 Asia/Baku
-
Məkkədə ən azı 400 nəfər, o cümlədən bir neçə iranlı həlak olub
Xəbər mənbələri bildiriblər ki, Minada şeytanı daşlama mərasimində izdiham nəticəsində ən azı 400 zəvvar həlak olub, təxminən 450 nəfər yaralanıb. Hadisədə 41 iranlı həlak olub, onlarla nəfər də yaralanıb.
Əldə olunan məlumata görə, Məkkədə xilasedicilər və həkimlər səfərbər olublar. Lakin insanların izdihamı xilasedicilərin işini çətinləşdirib. Hələlik həlak olanların kimliyi barədə məlumat verilməyib.Bu arada Məkkədə yerləşən İranın Qırmızı Aypara Cəmiyyətinin Həcc və Ziyarət Tibbi Mərkəzinin rəhbəri Seyid Əli Mərəşi Minada həlak olan iranlıların sayının 41 nəfər,onlarla nəfərin isə yaralandığını bildirib.
