Bəhreynin müxtəlif məntəqələrində bəhreynli məhbuslarla həmrəylik aksiyası keçirilib.

İraqın Brasa xəbər agentliyinin məlumatına görə, Bəhreynin müxtəlif məntəqələri, o sıradan Kərəzkan, Diraz, Nəvidrat və Sitrə məntəqələrinin sakinləri bəhreynli məhbus və həlak olanların ailələri, insan hüquqları müdafiəçiləri və siyasi fəalların iştirakı ilə aksiya keçiriblər.
Aksiyaçılar məhbusların, o cümlədən Bəhreyn Milli Birlik Cəmiyyətinin baş katibi Şeyx Əli Salmanın təsvirlərini daşıyaraq, Bəhreyn kralı Həməd bin İsa Ali-Xəlifəni rədd etdiklərini bildirib, son zamanlar bəhreynli hərbçilərin geniş hücumları hədəfinə çevrilmiş Əlnəvidrat məntəqəsinin sakinləri ilə öz həmrəyliklərini elan ediblər.
Bəhreyn, xalq qiyamının 2011-ci ildə yatırılmasından bəri dinc xalq etirazlarının şahididir. Xalq Bəhreyndə siyasi islahatların aparılmasını istəyir.
Ali-Xəlifə rejimi "Ada Sipəri Qüvvələri" formasında Bəhreyndə yerləşmiş səudiyyə hərbçiləri, Birləşmiş Ərəb Əmirliklərinin təhlükəsizlik məmurları və digər ərəb ölkələri hərbçilərinin köməyi ilə bu ölkədə xalq etirazlarını yatırır.