Türkiyədə ana müxalifət lideri bəzi dairələrin ölkədə gərginliyin artırılması üzrə səyləri barədə xəbərdarlıq edib.

İRNA-nın məlumatına görə, Cümhuriyyət Xalq Partiyasının(CHP) başqanı Kamal Kılıçdaroğlu çərşənbə günü Ankarada törədilən son partlayışlara işarə edərək, deyib: Ölkə daxilində və xaricində olan bəzi qruplar və dairələr ölkəni Yaxın Şərqdəki böhran bataqlığına sürükləməyə çalışırlar.
Ana müxalifət lideri həmçinin, partiyasının ölkədəki kobudluqlara son vermək üçün digər partiyalar ilə əməkdaşlığa hazır olduğunu bildirib.
Şənbə günü Türkiyənin paytaxtı Ankarada törədilən 2 güclü partlayış, bu ölkə tarixində son illərin ən güclü terror aktı sayılır. Bu hadisədə 97 nəfər həyatını itirmişdi.
Terror aktı nəticəsində həmçinin 246 nəfər də yaralanıb.
İndiyə kimi heç bir qrup bu terror aktının məsuliyyətini üzərinə götürməyib. Amma, Türkiyə dövləti bu hadisəyə görə İŞİD-in məsuliyyət daşıdığını bildirir.