Səudiyyə Ərəbistanının şərq əhalisi bu ölkənin tanınmış ruhanisinə qarşı edam qərarına etiraz üzrə aksiya keçirib.

Səhər Beynəlxalq Televiziyasının əl-Loulou telekanalına istinadla verdiyi məlumata görə, Ərəbistanın şərqində əl-Əvamiyyə məntəqəsi sakinləri aksiya keçirərək bu ölkənin tanınmış ruhanisi Şeyx Nimr Baqir əl-Nimrə qarşı çıxarılan edam qərarına etiraz ediblər.
Ərəbistanlı etirazçılar şüarlar səsləndirərək Şeyx Nimr Baqir əl-Nimrə çıxarılan edam qərarının ləğv edilməsi və siyasi məhbusların dərhal azad edilməsini istəyiblər.
Etirazçılar əllərində plakatlar daşıyıblar. Plakatların üzrəində Ərəbistanın ədliyyə strukturunun siyasi məhbuslar, xüsusilə də Şeyx Nimr Baqir əl-Nimrə qarşı qərarlarının ədalətsiz və zalımcasına olması kimi şüarlar yazılıb.
Səudiyyə Ərəbistanının Ali və Apelyasiya məhkəmələri bir neçə gün öncə Ərəbistanın tanınmış şiə ruhanisi Şeyx Nimr Baqir əl-Nimrə çıxarılan edam qərarını təsdiqləyiblər.
Şeyx Nimr Baqir əl-Nimr 2011-ci ilin fevral ayında şiə sakinli Qətif məntəqəsində irimiqyaslı etirazlar ardınca, 2012-ci ilin iyul ayında həbs olunub.