SAHAR

Suriya prezidenti Bəşşar Əsəd deyib ki, terrorizmin tam məhvinədək hakimiyyətdə qalacaq.

Livanın Əldiyar internet portalının məlumatına görə, Suriya prezidenti Bəşşar Əsəd hakiməyyətdən kənarlaşması barədə deyib: Hakimiyyətdən kənara çəkilməyəcəyəm, hətta əgər tək qalaraq, təklikdə döyüşməyə məcbur olsam, belə.
Bəşşar Əsəd əlavə edib: Tüfəngimi götürüb, son anadək ölkəmi və Suriya hökumətini müdafiə edəcəyəm, zira mən terrorçular və təkfirçilərə görə, hakimiyyətdən kənara çəkilməyəcək və onların Suriyaya hökmranlıq etmələrinə yol verməyəcəyəm.
Bəşşar Əsəd söyləyib: Terrorizmin məhvindən sonra parlament seçkiləri keçirəcək və prezident seçkiləri barədə xalqın fikrini öyrənəcəyik.
Bəşşar Əsəd həmçinin başda Rusiya və İran olmaqla Suriyanı dəstəkləyən ölkələrə, eləcə də Livan Hizbullahına təşəkkür edib.