SAHAR

Oktyabr ayının 1-dən başlanan Qüds İnfitazəsində şəhid olan fələstinlilərin sayı 80 nəfərə çatıb.

Fələstinin Səma xəbər agentliyinin verdiyi məlumata görə, Qəzzə Zolağında, Xan Yunusun şərqində yerləşən Fərahin məntəqəsində sionist rejim hərbçiləri ilə fələstinlilər arasında çıxan toqquşmada Musa Əbu Cami adlı 23 yaşlı fələstinli şəhid olub.
Bu hadisənin ardınca sionist rejim hərbçiləri döyüş güllələri və gözyaşardıcı qazlardan istifadə edərək, fələstinlilərə hücum ediblər. Nəticədə daha 7 fələstinli güllə yarası alıb, onlarla nəfər isə gözyaşardıcı qazdan zəhərlənib.
Qəzzə şəhərinin şərqində, Şücaiyyə məntəqəsinin şərqində yerləşən Məntar keçid məntəqəsinin yaxınlığında fələstinlilərlə sionist rejim hərbçiləri arasında çıxan toqquşmada da bir fələstinli yaralanıb.
Cümə günü də əl-Xəlilin şimalında yaşlı bir qadın sionist rejim hərbçiləri tərəfindən şəhid edilmişdi.
Həmçinin, cümə günü fələstinli bir gənc Qərb Sahilində, Beyt Ləhmin şərqində sionist rejim hərbçiləri tərəfindən güllələnərək, şəhid edilmişdi.
Fələstinlilər 1 oktyabr 2015-ci il tarixindən İslam müqəddəslərini himayə məqsədilə Qüds İntifazəsinə başlayıblar.