SAHAR

İsrail hərbçiləri tərəfindən hədəfə alınan daha bir fələstinli gənc aldığı güllə yarasından şəhid olub.

Misirin Əl-Yəum Əl-Sabi informasiya portalı bildirir ki, bir fələstinli cümə günü sionist rejim hərbçilərinin sionist sakinli Kəfər Ədumiyə qəsəbəsinin yaxınlığında bir avtobus dayanacağında duran insanlara tərəf atəş açmaları nəticəsində həyatını itirib.
İsrail polisi bu fələstinlinin öz avtomobili ilə iki İsrail polisini vurduğunu və onları yaraladığını bildirib.
Daha iki fələstinli isə dünən sionist rejim hərbçiləri tərəfindən Qüdsün şimalı və Nablosun cənubunda şəhid edilib.
Qüds İntifazəsinin başlanmasından bəri yüzdən artıq fələstinli şəhid edilib.