Kərbəlada milyonlarla zəvvar vardır
Dek 02, 2015 17:08 Asia/Baku
İraqın Kərbəla Vilayət Şurasının sədri milyonlarla İmam Hüseyn (ə) zəvarının Kərbəlada olduğunu bildirib.
Səhər Beynəlxalq Televiziyasının İRNA-ya istinadla verdiyi məlumata görə, Kərbəla Vilayət Şurasının sədri Nəsif Casim əl-Təmimi deyib: Builki İmam Hüseyn (ə) ərbəini zəvvarlarının milyonluq iştirakı vardır.Kərbəla Vilayət Şurasının sədri əlavə edib: Builki Ərbəin mərasimində zəvvarların iştirakı say və etnik baxımından öz növbəsində misilsizdir. Belə ki, dünyanın bütün qitələrindən 80-dən çox ölkədən zəvvar Kərbəladadır.
İraq rəsmisi hal-hazırda Kərbəla şəhərini Hüseyn (ə) zəvvarlarının qəbulu üçün böyük dini heyət olaraq xatırlayıb və deyib: İraq daxilində və ölkədən kənarda 9 mindən çox dini heyət Kərbəla şəhərində zəvvarlara xidmət etməklə məşğuldur.
İraq rəsmilərinin bildirdiklərinə görə, Kərbəlada builki Ərbəin mərasimində 15 milyondan çox, o cümlədən təxminən 2 milyon iranlı zəvvar iştirak edir.
