SAHAR

Qəzzə zolağında daha 2 fələstinli şəhid edildi.

Fələstinin Səfa xəbər agentliyinin verdiyi məlumata görə, Həmas-ın hərbi qolu olan Qəssam Batalyonlarının üzvlərindən olan Məğazi düşərgəsinin sakini Əbu Səbixə Bəhiri ötən cümə günü İsrail hərbçilərinin açdığı atəş nəticəsində aldığı yaranın ağırlığı üzündən bu gün şəhid olub.

Digər tərəfdən Fələstinin Qırmızı Aypara Cəmiyyətinin sədri Mənzər Nəzal bildirib ki, bazar günü Qilqiliyyənin şərqində, Əzun qəsəbəsinin şimal girəcəyində fələstinlilər ilə sionist rejim hərbçiləri arasında çıxan toqquşmada 13 fələstinli güllə yarası alıb, 17 nəfər isə gözyaşardıcı qazdan zəhərlənib.

Bu məlumata görə, Əzun qəsəbəsində gedən toqquşmalar İsrail hərbçilərinin 15 yaşlı fələstinli qız Kəriman Süveydaya azadlıq tələbi ilə keçirilən aksiyanın iştirakçılarına hücum etməsinin ardınca baş verib.

İsrail hərbçiləri bu fələstinli qızı bazar günü səhər Nablos ilə Qilqiliyə arasındakı ərazidə həbs ediblər.