İraq baş naziri Bağdaddakı son terror aktını törədənlərin həbs olunduğunu bildirib.

Səhər Beynəlxalq Televiziyasının Fars Xəbər Agentliyinə istinadla verdiyi məlumata görə, baş nazir Heydər əl-İbadi çərşənbə günü Bəsrə vilayəti məhkəmə hakimləri ilə iclasında bildirib ki, İraq təhlükəsizlik qüvvələri ötən bazar ertəsi günü Bağdad əl-Cədidə bölgəsində terror aktı törədənləri həbs etmişlər.

İraq baş naziri həmçinin ictimaiyyətdə ədalətin gerçəkləşməsi və humanist dəyərlərin qorunmasını vurğulayarq bildirib: Məhkəmə hakimlərinin bu istiqamətdə ağır məsuliyyəti vardır və öz bu məsuliyyəti ən yaxşı formada yerinə yetirməlidirlər.

Bazar ertəsi günü İraq paytaxtı Bağdadın şimal-şərqində iki partlayış törədildi. Nəticədə 20 nəfər həlak oldu, 50 nəfər də yaralandı.