SAHAR

Ərəbistan xarici işlər naziri Əhatəli Müştərək Təşəbbüs Proqramının icrasında İranın tarixi uğuru qarşısında passiv mövqe sərgiləyib.

Səhər Beynəlxalq Televiziyasının məlumatına görə, Səudiyyə Ərəbistanı xarici işlər naziri Adil əl-Cübeyr Röytersə verdiyi müsahibədə deyib: Tehranın beynəlxalq qüdrətlərlə nüvə anlaşması nəticəsində İran əleyhinə sanksiyaların ləğv olunması mənfi olaydır.

Ölkəsi müxtəlif terror qruplaşmaları, o cümlədən Suriya və İraqda İŞİD terror qruplaşmasına maliyyə yardımını əsirgəməyən Ərəbistan xarici işlər naziri Adil əl-Cübeyr iddia edib ki, İran ehtimal üzrə azad olunan puldan mənfi fəaliyyətləri təmin etmək üçün istifadə edəcək.

Ərəbistan xarici işlər naziri həmçinin Nyu-York Times qəzetinə yazdığı məqalədə İran əleyhinə öz iddialarını təkrarlayıb və iddia edib ki, Tehran ərəb ölkələrinin daxili məsələlərinə müdaxilə etməyi və terrorizmi dəstəkləməyi davam etdirir.

Bu günlər İranın 5+1 qrupu ilə tarixi nüvə anlaşmasının nəticəyə çatmasından qəzəblənən Ərəbistan mümkün hər bir yolla İranofobiya projesini izləməklə Suriya və Yəməndəki məğlubiyyətlərini ört-basdır etməyə çalışır.

Lakin qarşılığında İran səbirli siyasəti və məntiqli diplomatiyası ilə Ərəbistanın məkrli planlarını zərərsizləşdirib və dünyaya sübut edib ki, Ərəbistan Suriyadakı böhran və de-stabillik, eləcə də İŞİD terror qruplaşmasının genişlənməsinin əsas səbəbkarıdır.