Qüds İntifazəsi şəhidlərinin sayı 186-ya çatdı
-
Qüds İntifazəsi şəhidlərinin sayı 186-ya çatdı
Qüds İntifazəsinin başlanmasından bəri 186 fələstinli sionist rejim hərbçiləri tərəfindən şəhid edilib.
Anadolu xəbər agentliyinin verdiyi məlumata görə, Fələstinin Qırmızı Aypara Cəmiyyəti şənbə günü bildirib ki, Qüds İntifazəsinin başlandığı zamandan bəri 186 fələstinli sionistlərin hücumlrı nəticəsində həyatını itirib.
Bu müddət ərzində 15645 fələstinli də yaralanıb. Həbs edilənlərin sayı isə yüzlərlədir.
Fələstinin Qırmızı Aypara Cəmiyyəti əlavə edib: İsrail hərbçiləri ötən ilin oktyabr ayının ortalarından bəri işğal edilmiş Qüdsdə 41, əl-Xəlil şəhərində 53, Ramallahda 20, Cənində 19, Beyt Ləhmdə 10, Nablosda 10, Tulkərmdə 3, Selfitdə 2, Qilqiliyada 1 nəfəri şəhid ediblər. İşğal edilmiş ərazilərdə şəhid edilən fələstinlilərin sayı 48, Qəzzə şəhidlərinin sayı isə 25-dir.
İsrail mənbələri isə bildiriblər ki, Qüds İntifazəsinin başlanmasından bəri 33 sionist ölüb, 311 nəfər isə yaralanıb.
