Fələstinli əsirlərin ailələri Nəqəb səhrasında yerləşən Rimun zindanında saxlanılan fələstinli əsirlərin vəziyyətinin xeyli ağır olması barədə xəbərdarlıq ediblər.

Qüds xəbər agentliyinin verdiyi məlumata görə, fələstinli əsirlərin ailələri Rimun zindanında səhiyyə və sanitariya durumunun qorxunc olduğunu bildirib, insan haqları təşkilatlarından bu zindanda saxlanılan fələstinli əsirləri xilas etmələrini istəyiblər.

Bu məlumata görə, Nəqəb səhrasında yerləşən Rimun zindanında saxlanılan bəzi fələstinli əsirlər xərçəng xəstəliyinə yoluxublar. Ömürlük həbsə məhkum edilmiş bu əsirlər ciddi həkim nəzarəti altında saxlanılmalıdırlar.

Rimun zindanında çoxlu sayda fələstinli saxlanılır. Hazırda İsrail zindanlarında saxlanılan fələstinli əsirlərin sayının 7000 nəfərə çatdığı bildirilir.