SAHAR

Bəhreyn vətəndaşları bu ölkə şiələriin lideri Şeyx İsa Qasimin vətəndaşlığının ləğv edilməsinə etirazlarını davam etdirirlər.

Soutul-Manama xəbər portalının məlumatına görə, Bəhreyn vətəndaşları Al-Xəlifə rejiminin Şeyx İsa Qasim əleyhinə repressiv hərəkətlərinə etiraz əlaməti olaraq bu ruhaninin mənzili qarşısında 71-ci gün ardıcıl olaraq etirazlarını davam etdirir. 

Əl-Duraz bölgəsinin Ali-Xəlifə rejiminin təhlükəsizlik qüvvələrinin tam mühasirəsində olduğu bir halda, bəhreynli etirazçılar bu gün Şeyx İsa Qasimin mənzili önündə sübh namazı qılıblar. 

Bu arada bir qrup Bəhreyn alimi və ruhanisi Ali-Xəlifə rejiminin repressiv siyasətlərinin davamında çağırılıb və ya saxlanılıb. 

Bəhreyn insan haqları komitəsi də bir hesabatda Ali-Xəlifə rejimini tənqid edərək bildirib: Bu rejim şiə ruhanilərə təzyiq göstərir və onların hüquqlarını tapdalayır. 

Ali-Xəlifə rejimi 2016-cı il iyun ayında şiə ruhani Şeyx İsa Qasimin vətəndaşlığını ləğv edib. Bu hərəkət Bəhreyn və dünya şiələri arasında sərt reaksiyalara səbəb olub. 

Bəhreyn 2011-ci il 14 fevraldan Ali-Xəlifər ejiminə qarşı xalq inqilabının şahididir. 

Bəhreyn xalqı azadlıq, ədalətin bərqərar olunması, ayrı-seçkiliyin aradan qaldırılması və seçilmiş hökumətin iqtidara gəlməsini tələb edir.