Səudiyyə Ərəbistanı xarici işlər naziri Adil əl-Cübeyr türkiyəli həmkarı Mövlud Çavuşoğlu ilə Ankarada keçirdiyi birgə mətbuat konfransında deyib: Türkiyənin Suriyadakı səylərini alqışlayırıq. Ərəbistan və Türkiyə arasında əməkdaşlıq çox güclüdür.

Əl-Cəzirə televiziyasının məlumatına görə, Səudiyyə Ərəbistanı xarici işlər naziri deyib: Biz Suriya, İraq, Yəmənin vəziyyəti və terrorizmlə mübarizə barəsində ümumi danışıqlar apardıq. Biz kral Salman Bin Əbdüləzizin təşkil etdiyi iki ölkə arasında strateji şuranın iclasının keçirilməsini istəyirik. Regionun bütün məsələləri barəsində Türkiyə ilə tam müştərək baxışlara malikik.