SAHAR

Bəhreyn alimləri bir bəyanat yayaraq, Hüseyn(ə) minbərləri natiqlərinin dərhal azad edilməsini, dini zorakılığın durdurulmasını və hazırkı böhrandan siyasi çıxış yolunun tapılmasını istəyiblər.

Bəhreynin Əllolo telekanalının verdiyi məlumata görə, Bəhreyn alimləri bir bəyanat yayaraq, bu ölkə hökumətinin Bəhreyn şiələrinə qarşı proqramlaşdırılmış şəkildə siyasət yürütdüyünü bildiriblər. Bu bəyanatda deyilir: Ötən illər ərzində şiələrə qarşı repressiyalar onların polis idarəsinə çağırılması və dini çıxışlarla bağlı sorğu-suala çəkilməsi ilə məhdudlaşırdı. Amma, bu gün hökumət daha təhlükəli addım ataraq, Kərbəla hadisəsi barədə tamamilə dini xarakter daşıyan çıxışlara görə, natiqləri həbs edir. Halbuki, bu çıxışlar yüz illərdir ki, Bəhreyndə adət halını alıb. 

Bəhreyn alimləri öz bəyanatlarının sonunda əlavə ediblər: Hökumətin bərabər hüquq və ədalət əsasında davranış istəyən bir xalq ilə düşmənçiliyi və dini zorakılığa yol verməsi peşmançılıqdan başqa heç bir nəticə verməyəcək.