SAHAR

Terrorçu İŞİD qrupu İraq xalqına qarşı cinayətlərinin davamında ölkənin şimalında yerləşən Əl-Həvicə şəhərinin suyunu kəsib.

İRNA-nın verdiyi məlumata görə, İraqın şimalında Kərkük vilayətində yerli qaynaqlar bildiriblər ki, İŞİD iraqlı qüvvələr qarşısındakı məğlubiyyətinə, ünsürlərinin qaçıb aradan çıxmasına görə, dünən Əl-Həvicə şəhərinin suyunu kəsərək bu şəhər sakinlərini İŞİD terrorçularına qoşulmağa məcbur etmək istəyib. 

İraqlı qüvvələrin Əl-Həvicə şəhərinə yaxınlaşmaları və İŞİD terrorçularının aradan çıxmaları nəticəsində terrorçu İŞİD qrupu ünsürlətinin sayı azalıb və onlar şəhərlərin suyunu kəsmək, insanları edam etmək, suda boğmaq yaxud yandırmaq kimi metodlarla onları qorxudur və onların İŞİD sıralarına qoşulmaları üçün əhaliyə təzyiq göstərir. 

Belə bir şəraitdə İraq ordusu bildirib ki, Mosulun azad edilməsi əməliyyatında əldə olunan uğurlar nəticəsində bu əməliyyat yekun mərhələsinə çatmaqdadır.