SAHAR

Mosulun azad edilməsi əməliyyatının davamında iraqlı qüvvələr bir neçə istiqamətdən irəliləyir.

İraqlı qüvvvələr çərşənbə günü Mosulun 7 km cənubunda yerləşən Qəsr kəndini azad etdikdən sonra İraqın ikinci ən iri şəhəri olan Mosula doğru hərəkətlərini davam etdiriblər. İraqlı qüvvələr Mosulun cənub girəcəyində yerləşən strateji əhəmiyyətli təpələrə nəzarəti ələ keçirməyə çalışırlar. 

Həşdüşşəbi qüvvələri də çərşənbə günü terrorçulara məxsus qərb istehsalı olan bir ədəd pilotsuz təyyarəni Şərqat məntəqəsində vurublar. Bu pilotsuz uçan aparat kəşfiyyat uçuşu həyata keçirərək, məntəqənin şəkillərini çəkməklə məşğul imiş. 

İraq ordusu və xalq qüvvələrinin Mosulu azad etmək üçün əməliyyatı bir ay öncə başlanıb.