Bəhreynli hərbçilərin dini simvollara qarşı hörmətsizliyi
-
Bəhreynli hərbçilərin dini simvollara qarşı hörmətsizliyi
Bəhreynin xəfiyyə qüvvələri bu gün İslamın əziz Peyğəmbəri(s.ə.s)-in mövludunun ildönümü günü münasibətilə Bəni Cəmrə məntəqəsi sakinlərinin divarlara vurduqları parçaları yığışdırıblar.
Əlaləm telekanalının məlumatına görə, Bəhreyndə Ali-Xəlifə rejiminin tabeliyində olan qüvvələrin bu hərəkəti Əhli-Beyt(ə) davamçılarının dini mərasimi və etiqadlarına hörmətsizliyin davam etməsi istiqamətində baş verir.
Bəhreyndə Əhli-Beyt(ə)-ın davamçılarına qarşı tayfa formasında zülm prosesi son aylar ərzində kəskinləşibdir.
Ali-Xəlifə rejiminin qüvvələri builki məhərrəm ayı günlərində də Hüseyn(ə) Aşurası simvollarını və qara bayraqları Manama daxil olmaqla Bəhreynin müxtəlif məntəqələrindən yığışdırıblar.
Bəhreyn 2011-ci ildən hökumətə qarşı xalq etirazları səhnəsidir.
Bəhreynli hərbçilər daim səud rejiminin köməyilə xalq etirazlarına divan tutur.
