Ən-Nüsrə Cəbhəsi terror qruplaşması bildirib: Hərbi başçılardan Əbu Yusif əl-Ənsari İdlibin cənub-şərqində Sincara gedən Ümm Məvilat yolunda onun avtomoboilinin hərəkət etdiyi yolda bomba partlayışı nəticəsində həlak olub.

İRNA-nın məlumatına görə, əl-Ənsari Ən-Nüsrə Cəbhəsi terror qruplaşmasının sursatlar üzrə məsulu olub və bəzi medialar onun əsil adının Məhəmməd əl-Məri olduğunu bildiriblər. 

Ən-Nüsrə Cəbhəsi terror qruplaşması indiyə qədər Əbu Yusif əl-Ənsarinin terror edilməsinə görə heç bir qurpu ittiham etməyib və heç bir qrup da Əbu Yusif əl-Ənsarinin öldürülməsinin məsuliyyətini üzərinə götürməyib. 

Suriya ordusunun terror qrupları, xüsusilə də Ən-Nüsrə Cəbhəsi qruplaşması qarşısındakı son qələbələri terrorçular arasında güclü ixtilafların yaranmasına səbəb olub və indiyə qədər bu terror qruplaşmasının çoxlu sayda başçısı bir-birləri tərəfindən öldürülmüşdür. 

Ən-Nüsrə Cəbhəsi (Fəthuş-Şam) İŞİD-in kənarında BMT Təhlükəsizlik Şurası tərəfindən terror qruplaşması tanınmışdır.