Səudiyyəli muzdlular Yəmənin şimalında tələfat verdi
Cümə günü Yəmənin şimal sərhəd bölgələrində yəmənli qüvvələrlə səudiyyəli muzdlular arasında baş verən döyüşlərdə Ərəbistana bağlı onlarla muzdlu öldürülüb və yaralanıb.
Əl-Məsirə televiziyası bildirib: Yəmən ordusu və xalq qüvvələrinin sərhəd bölgələrdə əl-Xəsra sərhəd keçidinin şərqində pusqu əməliyyatında səudiyyəli muzdlulardan bir qrupu öldürülüb və yaralanıb.
Bu televiziya həmçinin əlavə edib: Yəmən ordusu və xalq qüvvələrinin ağır artilleriyası da Təiz vilayətinin əl-Məzabi, Darul-Qərbi və əl-Bəbibə bölgələrində səudiyyəli muzdluların toplaşdıqları məkanları atəşə tutublar. Bu hücum nəticəsində də bir qrup muzdlu öldürülüb.
Press TV televiziyası da Nəcranda hərbi baza yaxınlığında gedən döyüşlərdə iki səudiyyəli hərbçinin öldürüldüyünü bildirib.
Yəmənin istefa vermiş prezidentini iqtidara qaytarmaq məqsədilə bu ölkəni hava hücumlarına məruz qoyan Səudiyyə Ərəbistanı hazırda Yəmən vətəndaşlarının müavimətinə görə, Mənsur Hadini iqtidara qaytara bilməmiş, üstəlik çoxlu xəsarətlər və tələfatla üzləşmişdir. Üstəlik beynəlxalq ictimaiyyətin təzyiqi qarşısındadır.
BMT-nin hesabatlarına əsasən, bu avantüristliyin Ali-Səud üçün nailiyyəti on bir min yəmənlinin qətlə yetirilməsi və Yəmənin infrastrukturlarının dağıdılması olmuşdur.
