Səudiyyə Ərəbistanı təhlükəsizlik qüvvələri və axtarışda olan silahlı şəxslər arasında Ciddə şəhərində baş verən insidentdə iki silahlı öldürülüb.

İRNA-nın məlumatına görə, Səudiyyə Ərəbistanı təhlükəsizlik qüvvələri bu gün Ciddə şəhərinin əl-Hərazat bölgəsində silahlı şəxslərin gizləndiyi məkanı aşkarlayaraq mühasirə etdikdən sonra əməliyyat keçiriblər.

Üzərindəki partlayıcı qurğunu partlatması nəticəsində iki silahlı ölüb.

Bu insidentdə bir silahlı şəxs də saxlanılıb.

2016-cı ilin iyul ayında da naməlum şəxs üzərindəki partlayıcı qurğunu Amerikanın Ciddə şəhərindəki konsulluğu yanında işə salmışdı.

Həmin hadisədə kamikadze ölmüş və iki polis məmuru da yaralanmışdı.

Ali-Səud rejiminin Ərəbistan vətəndaşlarının dinc etirazlarına qarşı repressiv siyasətləri onlarla etirazçının həlak olması və yaralanması ilə nəticələnmişdir.