Hələb-Əlbab magistral yolunun 16 km-i azad edildi
Suriya ordusu İŞİD terror qruplaşması ilə savaşda Hələb-Əlbab magistral yolunun on altı kilometrini azad edib.
İRNA-nın məlumatına görə, Suriya ordusu Hələbin şərq ətrafında keçirdiyi yeni əməliyyatda Təyyarə kəndindən Mədyunə əkin sahəsinə qədər Hələb-Əlbab magistral yolunun on altı kilometrini azad edib.
Suriya ordusu İŞİD terror qruplaşmasının Hələbin 50 km şərqində yerləşən Hərbi Hava Qüvvələri İnstitutuna hücumunu zərərsizləşdirib və terrorçulara ağır zərbələr endirib.
Deyruz-Zur vilayətində də Suriya ordusu qüvvələri eyniadlı şəhərin şərqində əl-Məamil və Tip Təmin bölgəsində irəliləyib və bir sıra məhəllələri azad edib.
Suriya ordusu Deyruz-Zur şəhəri ilə bu şəhər aeroportu arasında Məqabir bölgəsinin bir sıra ərazilərini İŞİD terrorçularından azad eib.
Suriya böhranı 2011-ci ildə Suriya prezidenti Bəşşar Əsədin qanuni hökumətini devirmək məqsədilə Səudiyyə Ərəbistanı, ABŞ və müttəfiqlərinin dəstəklədiyi terror qruplarının genişmiqyaslı hücumları ilə başlanıb.
