Suriya ordusu İŞİD-in hücumunu zərərsizləşdirdi
-
Suriya ordusu İŞİD-in hücumunu zərərsizləşdirdi
Suriya ordusu Hələb vilayətinin cənub-qərbində İŞİD terror qruplaşmasının Xənasirin şərqinə hücumunun qarşısını alıb.
Əl-Məyadin televiziyasının məlumatına görə, Suriya ordusu qüvvələri Xənasir şəhərinin şərqində Ümm Miyal qəsəbəsinin cənubuna nüfuz etməyə cəhd göstərən İŞİD yaraqlılarının qarşısını alıblar. Bu bölgədəki döyüşlər Xənasir-Homs magistral yolunda avtomobillərin hərəkətinə mane olmayıb və Hələb yolunda hərəkət dayanmayıb.
Suriya ordusu Hələb vilayətinin şərqində əl-Cəbul gölü mərkəzində əl-Həvarə təpəsini azad edib. Belə ki, bu göl və onun ətraf bölgələri tamamilə ordunun nəzarətinə keçib.
Digər tərəfdən Suriya ordusu Müharibə Təbliğatı Qərargahı yenilərdə İŞİD-dən azad olunan Hələb vilayətinin şərqində Əvişiyyə kəndinin kadrlarını yayımlayıb. Bu kənd Əlbab şəhərinin 6 kilometrliyində yerləşir.
