SAHAR

İordan çayının qərb sahilindəki fələstinli məsul mənbələr bildiriblər ki, onlarla sionist qəsəbə sakini Nablusun cənubunda yerləşən Burin məntəqəsindəki fələstinlilərin əkin sahələrinə hücum edibdir.

IRIB-nin məlumatına görə, sionist qəsəbə sakinləri dünən Nablusun cənubuna basqın edərək, Burin kəndində yaşayan fələstinlilərin zeytun bağları və əkin sahələrini yandırıblar. Belə bir halda, sionist rejim hərbçiləri də Nablusun cənubundakı Madama kəndinə hücum edərək, bir fələstinlini öz torpağından çıxarıblar. Bu torpaq sionist Yetshar qəsəbəsi yaxınlığında yerləşibdir.

Sionist rejim hərbçiləri son illər  fələstinlilərin əkin sahələrinə hücum edib, onları dağıdaraq, fələstinliləri bu məntəqələrdən çıxarmaq niyyətindədirlər.

Sionist rejim müsadirə olunmuş əraziləri sionistlər üçün yaşayış, ticarət və ya sənaye məntəqələri tikmək üçün hazırlayır.