Sionist rejim ABŞ və Səudiyyə Ərəbistanı arasında imzalanan 110 milyard dollarlıq silah anlaşmasına reaksiya verib.

Associated Pressin məlumatına görə, İsrail rejiminin enerji naziri Yuval Ştaynits ABŞ və Ərəbistan arasında Ər-Riyadda imzalanan silah anlaşmasına reaksiya verib: İsrail rəsmiləri ABŞ prezidenti Donald Trampın İsrailə səfərində bu anlaşma barədə ondan izahat istəməlidirlər.

Ştaynits iddia edib ki, ərəb ölkələrinin ABŞ-la əlaqələrinin səmimiləşməsi ilə yanaşı İsrail regionda öz hərbi üstünlüyünü qorumalıdır.

İsrail rejiminin enerji naziri əlavə edib: İsrailin Ərəbistanla əlaqələrinin gələcəyi naməlumdur və Vaşinqton və Ər-Riyadın silah anlaşması Təl-Əvivi narahat edən məsələdir.

ABŞ prezidenti Donald Tramp və Səudiyyə Ərəbistanının kralı Kral Salman şənbə günü Ər-Riyadda bir neçə hərbi anlaşma imzalayıblar. Bu anlaşmaların dəyəri 110 milyard dollara çatır.