SAHAR

Suriya ordusu və müttəfiq qüvvələr İŞİD-in mövqelərinə doğru irəliləmələrinin davamında Suriyanın İraqla sərhədi yaxınlığında əl-Tənf keçidinə çata biliblər.

Suriyanın əl-Tənf keçidi İraqın əl-Anbar şəhərində əl-Rütbə şəhərinə bağlı əl-Vəlid keçidi ilə həmsərhəddir. İraqın əl-Vəlid keçidi 2016-cı il avqust ayında, yəni on ay öncə İraq hökuməti ilə əməkdaşlıq edən Səhra Qartalları kimi məşhurlaşmış əl-Anbarın sünni köçəriləri tərəfindən azad olundu. Əhəmiyyət kəsb edən bu keçidin Suriya və İordaniya ilə sərhədi vardır. Əl-Tənf Əsədlə müttəfiq qüvvələr üçün çox əhəmiyyətli sərhəddir və regionda quru yol əlaqələrinə böyük şərait yarada bilər. Bu da ABŞ-ın regiondakı müttəfiqləri üçün böyük nigarahlıq hesab olunur. 

Məlumata görə, Suriya ordusu terrorçuların işğal etdiyi ərazilərin 5 min kilometrini azad edib. 

İki həftə öncə də Suriyada İŞİD terrorçularının işğalında olan ərazilərin 15 min kilometri azad olunmuşdu. 

İraqın Xalq Səfərbər Qüvvələri əl-Həşdüş-Şəəbinin sədr əvəzi Əbu Mehdi əl-Mühəndis ötən gecə Suriya ordusu qüvvələrinin İraq sərhədinə çatmasından razılıq edib. 

Suriya dövlətinə dəstək qüvvələrinin komandanlarından biri cümə günü deyib: Bu ölkə ordusu qüvvələri və Suriyanın cənub-şərq səhralıq ərazilərində onlarla müttəfiq yaraqlılarla İraq sərhədinə çatıblar. 

Bu hərbi rəsmi deyib: Bu irəliləyişlərin hamı üçün mesajı vardır.