SAHAR

İraqın federal polis komandanı Mosul şəhərinin yeni məntəqələrinin azad edilməsindən, şəhərin qədim hissəsinin cənub istiqamətində irəliləyişdən və İŞİD ünsürlərilə ağır döyüşlərdən xəbər verib.

İraqın federal polis komandanı Raid Cəudət deyib ki, bu döyüşlər Babulsaray məntəqəsində və Əlnəcifi küçəsində davam edib və iraqlı qüvvələr özlərini Dəclə çayının sahilinə çatdırmağa və Mosulun geri alınması üzrə döyüşlərin başa çatdığını elan etməyə çalışırlar.

Cəudətin sözlərinə görə, bu qüvvələrdən digər qruplar da uçqunlar altında qalmış vətəndaşların xilas edilməsi və azad edilmiş məntəqələrin İŞİD tərəfindən qoyulmuş bombalar və partlayıcı maddələrdən təmizlənməsilə məşğul olublar.

İraqlı qüvvələr azaedilmə əməliyyatında azı 79 İŞİD-çi terrorçunu öldürə və İŞİD ünsürlərinin mühasirəsində olan 550-də çox mülkini xilas edə biliblər.