İŞİD terror qruplaşması bir bəyanat yayaraq, bu terror qruplaşmasının əsas başçısı Əbubəkr Əl-Bəğdadinin öldüyünü elan edib.

İRİB-nin İraqın Süməriyə Nyus informasiya agentliyinə istinadla verdiyi məlumata görə, İŞİD terror qruplaşması çərşənbə axşamı bir bəyanat yayaraq, Əbubəkr Əl-Bəğdadinin ölüm xəbərini təsdiq edərək, yeni xəlifənin təyin ediləcəyini bildirib.

Bu mənbə əlavə edib: 2 gün öncədən Təl Əfərdə Əbubəkr Əl-Bəğdadinin ölümü ilə bağlı danışmağın qadağan edilməsini nəzərə alaraq, onun ölüm xəbərinin tezliklə elan olunacağı proqnoz edilirdi.

Əl-Aləm kanalı da Süməriyə Nyusa istinadla bildirib: Əbubəkr Əl-Bəğdadinin ölüm xəbərinin hər hansı kənar təbliğat və reklam xarakteri daşıyan hay-küylü formada elan edilməməsi bu hadisə ilə bağlı bir sıra sualların yaranmasına səbəb olub.