İsrail rejimi regionun ərəb ölkələri ilə daha sıx əlaqəyə malik olmaq üçün işğal olunmuş Fələstin ərazilərindən Ərəbistana qədər uzanacaq bir dəmir yolunun çəkilməsi layihəsini yenidən gündəmə gətirib.

Əl-Aləm kanalının verdiyi məlumata görə, İsrailin informasiya və rabitə naziri Yisrael Katz çərşənbə günü deyib: İsrail hazırda mövcud dəmir yolu xəttini İordaniya sərhədlərinə və Qərb Sahilinə qədər genişləndirməyə hazırdır və bu dəmir yolu şəbəkəsi İordaniyadan keçərək, Ərəbistana və Fars Körfəzinə qədər uzanmış olacaq. 

Yisrael Katz həmçinin deyib: Bu məsələ məxfi şəkildə izlənilirdi və ABŞ-ın yeni hökuməti də İsrailin ərəb ölkələri ilə əlaqələrinin normallaşdırılmasında son dərəcə aktiv iştirak edir.