Səudiyyə kralı ölkənin idarəsini vəliəhdə tapşırıb
-
Səudiyyə kralı ölkənin idarəsini vəliəhdə tapşırıb
Səudiyyə Ərəbistanı krallıq aparatı bir fərmanda kralın oğlu və Səudiyyənin yeni vəliəhdi Məhəmməd Bin Salmandan Kral Salman Bin Əbdül-Əzizin xarici səfəri müddətində ölkənin idarəsini öz üzərinə götürməsini istəyib.
Əl-Aləm telekanalının verdiyi məlumata görə, Səudiyyə Ərəbistanı krallıq aparatı bu gün bildirib: Səudiyyə kralı Salman Bin Əbdül-Əziz bu gün məzuniyyətə çıxıb və ölkədən xaric olacaq.
Bəzi ictimai fəallar deyirlər ki, Məlik Salman xəstədir və bəziləri də onun hakimiyyəti oğluna köçürməyə zəmin yaratmaq cəhdlərindən danışırlar.
Rəyəl-Yəum qəzeti Səudiyyə Ərəbistanı krallıq aparatında bəzi mənbələrə istinadla qarşıdakı beş ay ərzində Səudiyyə Kralının oğlu Məhəmməd bin Salmanın xeyirinə öz vəzifəsindən kənarlaşacağı ehtimalından xəbər verib.
