Səud hərbçilərinin Ərəbistanın şərqində yerləşən şiə sakinli Ələvamiyyə məntəqəsinə qarşı hücumunda bir qrup insan yaralanıb.

Təsnim xəbər agentliyinin məlumatına görə, səud rejiminin hərbçiləri bu gün Əlşərqiyyə vilayətində yerləşən Ələvamiyyə şəhərinin Şukrullah məntəqəsini öz hücumlarına məruz qoyublar.

Dünən səud hərbçilərinin Ələvamiyyəyə qarşı hücumlarında bir vətəndaş həlak olmuş, bir qrup insan da yaralanmışdı.

Səud hərbçiləri çərşənbə axşamı günü gecədən bəri Əlşərqiyyə vilayətində yerləşən mühasirə olunmuş şiə sakinli Ələvamiyyə şəhərinə qarşı artilleriya hücumlarını şiddətləndiriblər.

Ərəbistanın şərqi 2011-ci ildən bəri ədalətsizliyə və sərvətin ədalətsiz bölünməsinə etiraz əlaməti olaraq Ali-Səud rejiminə qarşı etirazlar səhnəsidir. Bu etirazlarda onlarla nəfər ölüb və bir qrup insan yaralanıbdır.