SAHAR

İraqın baş naziri və silahlı qüvvələrin baş komandanı bu gün səhər Mosulun qərbindən 50 km aralıda yerləşən Tələfər şəhərinin İŞİD terrorçularının işğalından azad edilməsi üçün əmr verib.

İRNA-nın verdiyi məlumata görə, Heydər Əl-İbadi bu gün səhər bir bəyanat yayaraq türkmən sakinli Tələfər şəhərinin azad edilməsi məqsədi ilə təkfirçi-terrorçu İŞİD qrupuna qarşı əməliyyatın başlanmasını elan edib və deyib: Tələfərə hücum bir neçə istiqamətdən başlanıb və döyüş İŞİD-in İraqda tam məğlub edilməsinədək davam etdiriləcək. 

İraqın baş naziri və silahlı qüvvələrinin komandanı öz bəyanatında Tələfər əməliyyatında iştirak edən iraqlı qüvvələrə xitabən deyib ki, hamı sizin terrorçulara qələbənizi gözləyir. 

Əl-İbadinin dediyinə görə, bu əməliyyatda İraq ordusu, Həşdüşşəbi, Federal Polis və terrorizm ilə mübarizə qüvvələri iştirak edir.