SAHAR

Suriya ordusu və silahlı qüvvələri Homsun şərqində Cəbb əl-Cərrah bölgəsini İŞİD terror qruplaşmasından təmizləyiblər.

İRNA-nın məlumatına görə, Suriya Müdafiə Nazirliyinin informasiya portalı ötən gecə bildirib: Bu ölkə silahlı qüvvələri Homsun şərq ətrafında terrorçuların mövqelərini tamamilə məhv edərək onlarla qəsəbə, kənd və əkin sahəsini İŞİD terrorçularından təmizləyiblər. 

Məlumata görə, Suriya ordusunun əməliyyatında azad olunan ərazi 1800 kvadratkilometrdir. 

Bu əməliyyatda yüzlərlə terrorçu öldürülüb və onların silah və təchizatı məhv edilib. 

İŞİD terror qruplaşmasının ünsürləri 18 avqust 2017-ci ildə Həma və Homs vilayətlərinin şərq bölgələrində Suriya ordusunun mühasirəsinə düşdülər. 

Suriyanın bəzi vilayətləri, o cümlədən Homs, Həma və Deyruz-Zurda terrorçuların mövqeləri əleyhinə əməliyyat İŞİD terror qruplaşmasının məhv edilməsi istiqamətində Suriyanın hərbi əməliyyatlarının bir hissəsi hesab olunur.