Əfqanıstan paytaxtı Kabildə terror aktında həlak olanların sayı 14 nəfərə çatıb.

İRİB-in məlumatına görə, Kabil Polis Mərkəzinin sözçüsü Bəsir Mücahid bildirib: Qəsr-Novin oteli qarşıxında törədilən terror aktı nəticəsində, 14 nəfər, o cümlədən 8 polis əməkdaşı və 6 sivil həlak olub. 

Bu partlayışda, 18 nəfər, o cümlədən 7 polis əməkdaşı və 11 sivil yaralanıb. 

İŞİD terror qruplaşması ötən gün bir müraciət yayaraq Kabil şəhəri Xeyrxanə məhəlləsi Qəsr-Novin oteli qarşısındakı partlayışın məsuliyyətini üzərinə götürüb.