SAHAR

Yəmən Ənsarullahı və ordu qüvvələri keçirdikləri əməliyyatda Ərəbistanın cənubunda bir qrup səudiyyəli muzdlunu öldürüb və ya yaralayıblar.

İRNA-nın Yəməndə hərbi dairələrə istinadla verdiyi məlumata görə, Yəmən ordusu və xalq qüvvələri Cizan, Əsir və Nəcran bölgələrində Ərəbistanın bazalarına ağır zərbələr endiriblər. Bildirilir ki, bu bazalarda əcnəbi muzdlular olub. 

Məlumata görə, Yəmən ordusu Cizanın cənubunda Ərəbistan ordusunun nəzarət və komandanlıq mərkəzinə doğru bir ədəd ballistik raket atıb. 

Digər tərəfdən Ali-Səud rejimi Yəmənin müdafiəsiz vətəndaşlarına qarşı hücumların davamında, Marib vilayətində bir avtobusu atəşə tutublar. Nəticədə bir neçə sərnişin həlak olub.