Fələstinin İslamçı Müqavimət Hərəkatının siyasi bürosunun sədri İsmayıl Həniyyə Qüds qətnaməsinin BMT Baş Assambleyasında təsdiq edilməsini "haqq, ədalət və tarix"in qələbəsi adlandırıb.

İRNA-nın məlumatına görə, Fələstinin İslamçı Müqavimət Hərəkatının siyasi bürosunun sədri cümə axşamı bir bəyanat yayaraq, Qüds qətnaməsinin BMT Baş Assambleyasında qəbul edilməsi haqda deyib: Bu qətnamə sübut etdi ki, qanun qarşısında təhdid faydasızdır. Və prinsiplər maraqlardan daha üstündür. 

İsmayıl Həniyyənin dediyinə görə,  BMT-nin Baş Assambleyasında Qüds qətnaməsinin lehinə səs verənlər ABŞ-ın hegemonçuluğu və zorakılıq siyasətləri ilə müxalif olan dünyanın azad xalqlarının tələbini yerinə yetiriblər. 

Həmas-ın siyasi bürosunun başçısı həmçinin, ABŞ hökumətindən dünya ictimaiyyəti və beynəlxalq birliyin iradəsinə hörmət və Qüdslə bağlı fələstinlilərə qarşı olan qərarını ləğv etməsini istəyib.