Fələstin Özünüidarə Təşkilatı sədrinin sözçüsü ABŞ prezidentinin ABŞ-ın fələstinlilərə 300 milyon dollarlıq maliyyə yardımını dayandırması ilə bağlı təhdidinə reaksiyada bildirib: Qüds satılıq deyil.

İRİB-in məlumatına görə, Fələstin Özünüidarə Təşkilatı sədrinin sözçüsü Nəbil Əbu Rədinə çərşənbə günü ABŞ tərəfindən Qüdsün İsrailin paytaxtı elan olunmasından sonra fələstinlilərin İsraillə müzakirəyə yenidən başlamağa hazır olmadığını bildirərək deyib: Qüds Fələstin dövlətinin əbədi paytaxtıdır və qızıl və ya milyardlarla dollar pul qarşılığında satılmır. 

Bu arada Fələstin İslam Müqaviməti Hərəkatı HƏMAS Fələstin Özünüidarə Təşkilatının sionist düşmənlə təslimçi saziş müzakirələrinə qayıtmadığı halda, ABŞ-ın  fələstinli didərginlərə humanitar yardımlar agentliyi və Fələstin Özünüidarə Təşkilatına maliyyə yardımını dayandırmasını bir növ siyasi bac adlandırıb.