Misir hökuməti Amerikada çıxan bir qəzetin Qahirənin ABŞ prezidenti Donald Tramprın Qüdsü İsrail rejiminin paytaxtı olaraq tanıması ilə razılaşması haqdakı xəbərini təkzib edib.

Əl-Yəum Əl-Sabe internet portalının verdiyi məlumata görə, Misirin Prezident Administrasiyası bir bəyanat yayaraq, Nyu-York Tayms qəzetinin Qahirənin Trampın Qüdslə bağlı qərarı ilə razılaşması haqdakı iddiasının naməlum bir şəxsə istinadla irəli sürüldüyünü bildirib. 

Nyu-York Tayms qəzeti şənbə günü Misirin təhlükəsizlik xidmətinin zabiti olan Əşrəf Əl-Xuli adlı bir şəxsə aid olduğunu iddia etdiyi bir səs yazısına istinadla Qahirənin dolayısı ilə Trampın Qüdslə bağlı qərarı ilə razılaşdığını yazıb. Bu səs yazısında deyilir: Misir fələstinlilərdən Qüdsün yerinə Ramallah şəhərini Fələstinin paytaxtı elan etmələrini istəyir.