Yüzlərlə Livan kürdü Türkiyənin Suriyanın şimalına hücumuna etiraz etmək məqsədilə Türkiyənin Beyrutdakı səfirliyi qarşısına toplaşıb.

İRNA-nın məlumatına görə, aksiya iştirakçıları şüarlar səsləndirərək və əllərində plakatlar tutaraq Türkiyənin Suriyanın şimalında Afrin şəhərinə hərbi hücumunu qınayıblar.

Livanda bəzi kürd qruplar və fəalların dəvəti əsasında baş tutan bu aksiyada Türkiyə ordusunun Suriyanın şimalına hücumunun dayandırılması vurğulanıb.

Türkiyə ordusu Suriyanın şimalında Afrin şəhərinə hərbi əməliyyatı 20 yanvarda başlayıb.

Bundan öncə Suriya hökuməti Türkiyə ordusunun Afrin şəhərindəki əməliyyatını təcavüz, Suriyanın ərazi bütövlüyünün pozulması adlandırıb və onu qınayıb.