İraqın ticarət nazirinin müavini bu gün İranın Məşhəd şəhərində İran və İraq iqtisadi əməkdaşlığın inkişafı üzrə 7-ci dəyirmi masada İraqda təhlükəsizliyin bərqərar olunduğunu vurğulayaraq deyib: İraqın yenidən qurma və iqtisadi inkişaf üçün İrana ehtiyacı var.

İRNA-nın verdiyi məlumata görə, Həbib Vəlid Əl-Musəvi  İran İslam Respublikasının bir çox sənaye sahələrində inkişaf etmiş ölkə olduğunu bildirərək deyib: Bağdad İraqda iranlı investor və iş adamlarının iştirakını istəyir. 

İraqlı rəsmi İranın terrorçu İŞİD ilə mübarizədə İraqa verdiyi dəstəyə toxunaraq deyib: İran davamlı şəkildə və bütün digər ölkələrdən daha çox İraqa dəstək vermişdir. 

Həbib Vəlid Əl-Musəvi ölkəsinin İranı region üzrə özünün iqtisadi ortağı etmək qərarından xəbər verib.