Yəməndə BƏƏ və Səudiyyə müttəfiqləri arasında toqquşma
Fev 01, 2018 20:16 Asia/Baku
-
Yəməndə BƏƏ və Səudiyyə müttəfiqləri arasında toqquşma
Yəməndə insan haqları üzrə milli araşdırma komissiyası bildirib ki, Səudiyyə Ərəbistanı və Birləşmiş Ərəb Əmirlikləri qüvvələri arasında Yəmənin cənubunda Ədən vilayətində baş verən toqquşmalarda 87 nəfər ölüb.
Əxbarül-Yəmən portalının verdiyi məlumata görə, komissiyanın üzvü Əşraq Əl-Məqtəri deyib: Bu toqquşmalarda ən azı 320 nəfər yaralanıb və 300-dən çox ev və istefa vermiş prezident Əbd Rəbbə Mənsur Hadi hökumətinə məxsus qurum dağıdılıb.
Ədəndəki son toqquşmalar 28 yanvarda Mənsur Hadi və BƏƏ-nin dəstəklədiyi Keçid Şurası qüvvələri arasında baş verir.
Keçid Şurası 2017-ci ildə Əbudəbinin dəstəyi ilə yaradıldı və onun məqsədlərindən biri Yəmənin cənubunu şimalından ayırmaqdır, bu isə Səudiyyə Ərəbistanının məqsədlərinə uyğun gəlmir.
