İsrail Knesseti fələstinli şəhidlərin cənazələrinin ailələrinə təhvil verilməsini önləyən qanun layihəsini ratifikasiya edib.

İRİB-nin verdiyi məlumata görə, sionist Yədiot Aharonot qəzeti yazır: İsrail Knesseti çərşənbə axşamı yeni bir qanun layihəsi qəbul edib. Bu qanuna əsasən İsrail polisi fələstinli şəhidlərin cənazələrini dəfn etmələri üçün ailələrinə verməyə bilər.

İsrail 2015-ci ildən bəri 16 fələstinli şəhidin cənazəsinin ailəsinə təhvil verməkdən çəkinib.

Başqa bir məlumata görə, İsrail hərbçiləri İordan çayının qərb sahili və Qüdsün müxtəlif məntəqələrinə basqın edərək, 17 fələstinlini, onlara qarşı hər hansı bir ittiham olmadan, həbs ediblər.