İran bayrağı Qəzzə zolağında dalğalandırılıb
Qəzzəli gənclər Fələstini himayə edən ölkələrin o cümlədən İran İslam Respublikasının bayrağını İsrail sərhədləri yaxınlığında dalğalandırıblar.
İRNA-nın məlumatına görə, fələstinli gənclər həmçinin, İran İslam Respublikası başda olmaqla bu ölkələrin Fələstini himayə üzrə mövqelərini alqışlayıblar.
Fələstin xalqını himayə beynəlxalq komitəsinin sədri Səlah Əbdülati Fələstin ilə dost ölkələrin bayraqlarının dalğalandırılmasını Fələstin xalqının dünyanın azad xalqlarına olan müraciəti adlandırıb.
Səlah Əbdülati həmçinin, Ərəb ölkələrindən İsrail rejimi ilə əlaqələrin normallaşdırılması prosesini dayandıraraq, bu rejimin fələstinlilərə qarşı təcavüzləri və cinayətlərinin davam etməsinə mane olmalarını istəyib.
Fələstinlilərin "Qayıdış Haqqı" adlı böyük yürüşü 30 mart tarixindən başlayaraq Qəzzənin işğal edilmiş Fələstin əraziləri ilə sərhəd məntəqələrdə keçirilir. Bu yürüşdə iştirak edənlər öz etiraz aksiyalarını 14 may, İsrail rejiminin təsis edilməsinin ildönümü gününə kimi davam etdirəcəklərini bildiriblər.
