Yəmən ordusu və xalq komitələri qüvvələri Səudiyyə Ərəbistanının başçılıq etdiyi koalisiya qüvvələrinin bu ölkənin qərb sahilində irəliləyişinin qarşısını alıblar.

Əl-Məyadin televiziyasının məlumatına görə, Yəmən ordusu və xalq komitələri iki gün ərzində keçirilən əməliyyatda səudiyyəli təcavüzkar qüvvələrin Təiz və əl-Hüdeydə vilayətləri arasında Yəmənin qərb sahilində irəliləyişini məğlubiyyətə uğradıblar.

Bu arada Yəmənin istefa vermiş hökumətinin Müdafiə Nazirliyi bu barədə bildirib: Bu nazirliyin 120 kadrı, o cümlədən bəzi komandanlar bu əməliyyatda ölüb. Həmçinin yüzlərlə səudiyyəli koalisiyanın hərbçisi yaralanıb, onlara məxsus onlarla hərbi avtomobil məhv edilib.