Qətərin əmiri şeyx Təmim Bin Həmd Ali-Sani dünən Küveytin əmiri şeyx Səbah Əhməd Əccabir Əssəbaha ünvanladığı məktubda Dohanın Səudiyyə Ərəbistanı, Birləşmiş Ərəb Əmirlikləri, Bəhreyn və Misir ilə əlaqələrdəki böhranı aradan qaldırmağa hazır olduğunu bildirərək sadəcə şəffaf və şərtsiz danışıqların tərəfdarı olduğunu vurğulayıb.

İRNA-nın verdiyi məlumata  görə, Qətər əmirinin məktubunda deyilir: Doha sadəcə şəffaf və ön şərti olmayan iclasda iştirak edəcək. 

Qətər əmirinin küveytli həmkarına göndərdiyi məktubu, Küveytin Qətər, Səudiyyə Ərəbistanı, BƏƏ və Bəhreyn başçılarına məktub ünvanlayaraq onları öz ixtilaflarını Fars körfəzi əməkdaşlıq şurası daxilində həll etməyə çağırmasından sonra göndərilib. 

Səudiyyə Ərəbistanı və onun müttəfiqləri olan Misir, BƏƏ və Bəhreyn 2017-ci il 5 iyunda Dohanın Ərrəyada tabe olmadığına görə Qətər ilə diplomatik əlaqələrini kəsdilər və bu ölkəyə qarşı quru, dəniz və hava blokadası tətbiq etdilər.