İraq polisi Kərkük şəhərində iki partlayışın törədilməsindən xəbər verib.

İRNA-nın məlumatına görə, Kərkük polisi cümə günü Qüds və Bağdad prospektlərində iki partlayışın törədilməsindən xəbər verib. Bu partlayışlar nəticəsində bir nəfərin öldüyü, 14 nəfərin isə yaralandığı bildirilir.

Bu terror aktları ilə bir vaxtda Kərkük Türkmən Cəbhəsinin ofisi minaatanla hədəfə alınıb.

İŞİD terror qruplaşmasının İraqda məğlub olmasına baxmayaraq, hələ də ölkənin şimalında bu terror qruplaşmasının qalıqları pərakəndə şəkildə terror aktları törətməklə məşğuldurlar.